TVM.GE ახალი ამბების ვებ პორტალი
ე.წ. ციანიდის საქმეზე ბრალდებული დეკანოზ გიორგი მამალაძის სკანდალური წერილი „მატროსოვის ციხიდან” – წერილი შესაძლოა განხეთქილების ახალი მიზეზი გახდეს.წერილის შინაარსი გასაიდუმლოებულია, თუმცა ცნობილია, რომ მიმართვას 4 ადრესატი ჰყავს და თითოეული მათგანი მაღალი იერარქიის სასულიერო პირია.
ამის შესახებ ინფორმაცია „კვირის აქცენტებში” ჭყონდიდელმა მიტროპოლიტმა მეუფე პეტრემ გაავრცელა, რომელიც ასე გახლავთ წერილის ერთ-ერთი ადრესატი.
დაკავებული დეკანოზის ძმის განცხადებით, წერილის ერთი ნაწილი საეკლესიო ბიზნესს ეხება. თორნიკე მამალაძის თქმით, სკანდალურ გზავნილში პატრიარქის ოჯახის წევრებზეა საუბარი, კონკრეტულად მის დაზე:
“ამ წერილში საუბარია, მე როგორც ვიცი, პატრიარქის ოჯახის წევრებზე, კონკრეტულად დაზე, რომელიც ფლობს ბიზნესებს. ბიზნესებს ფლობს საეკლესიო ხატების, ნივთების, სანთლების ბიზნესს. როდესაც ჩემი ძმა თავისუფალი იყო, პატრიარქთან არაერთხელ ჰქონდა ამაზე საუბარი და დაძაბული ურთიერთობა ჰქონდა, რაზეც პატრიარქი ძალიან გაბრაზდა, რომ ჩემმა ძმამ ბიზნესების გარკვევა დაიწყო და პატრიარქის ოჯახს შეეხო,”- განაცხადა დეკანოზ მამალაძის ძმამ, თორნიკე მამალაძემ. kviris aqcentebi. ბლოგერი: გიორგი ფრანგიშვილი.
