ყოფილი პრემიერის, გიორგი კვირიკაშვილისა და ენერგეტიკის მაშინდელი მინისტრის, კახი კალაძის მიერ ორი წლის წინ საზეიმოდ გახსნილი შუახევიჰესი, სადაც 700-ზე მეტი ადამიანი უნდა დასაქმებულიყო, დღემდე არ მუშაობს. 

416 მილიონ დოლარიანი (მილიარდ 123 მილიონი ლარი) პროექტის ამუშავება იმ გვირაბების ჩამოშლის შედეგად გადაიდო, რომლებიც 187 მეგავატი სიმძლავრის მქონე შუახევჰესის პროექტის განხორციელების ფარგლებში გათხარეს ისე, რომ წესიერად კვლევებიც არ ჩაატარეს.
2017 წლის ივნისში, პრემიერმა და ენერგეტიკის მინისტრმა გვახარეს რომ საქართველოს ენერგეტიკული დამოუკიდებლობის საქმეში დიდი ნაბიჯი გადაიდგა.  
ხელისუფლება გვარწმუნებდა რომ თანამედროვე ტექნოლოგიებითა და მაღალი პროფესიონალიზმით აშენებული შუახევიჰესის მიერ გამომუშავებული ელექტროენერგიის დიდი ნაწილი ჩვენს ქვეყანას მოხმარდებოდა,მცირე ნაწილი კი, თურქეთში გავიდოდა ექსპორტზე. 
მაშინ, პროექტის მნიშვნელობაზე საუბრობდა საქართველოს პრემიერ-მინისტრი გიორგი კვირიკაშვილი. “ხელისუფლების მიზანია იმპორტირებული ელექტროენერგია ადგილობრივი ენერგორესურსით ჩანაცვლდეს” – აცხადებდა ის.
კახა კალაძე კი მადლობას უხდიდა პრემიერს, ენერგეტიკის სამინისტროს თანამშრომლებსა და ინვესტორებს. “ყველაფერი კეთდება იმისთვის, რომ მალე საქართველო ენერგეტიკულად განვითარდეს და აღარ იყოს დამოკიდებული მზეობელ ქვეყნებზე” – ამბობდა კალაძე შუახევიჰესის გახსნისას.
თუმცა, კვირიკაშვილ-კალაძის მიერ საზეიმოდ გახსნილი შუახევიჰესი ამუშავებიდან ორ თვეში გაჩერდა და დღემდე დაკონსერვებულია – გაურკვეველი ვადით.
კერძოდ: შუახევიჰესის სამი გვირაბიდან ორი გახსნიდან ორ თვეში – 2017 წლის აგვისტოში ჩამოიშალა, რამაც ფაქტობრივად, ნათელი გახადა ის არაპროფესიონალიზმი და საბიუჯეტო სახსრებისადმი გულგრილი დამოკიდებულება, რომელიც ქართული ოცნების გენერალური ხაზია. 
სპეციალისტების თქმით, შუახევიჰესის მშენებლობა და მისი სამი გვირაბის გათხრა ისე დაიწყო რომ სიღრმისეულად არ ჩატარებულა გეოლოგიური და საინჟინრო კვლევები. 
არადა, ჯერ კიდევ 2014 წელს, როდესაც შუახევიჰესის მშენებლობა დაიწყო, სპეციალისტები აფრთხილებდნენ მთავრობას იმ მოსალოდნელ შედეგებზე, რომელსაც შესაძლოა, სრული ფიასკო გამოეწვია. 
თუმცა, მაშინ, დარგის სპეციალისტების აზრი არ გაითვალისწინა “ენერგეტიკოსმა” კალაძემ და შესაბამისად, მისი და მთლიანად ხელისუფლების უუნარობის გამო 416 მილიონიანი პროექტი, გახსნიდან ორ თვეში გაჩერდა.
მეტიც, ქართული ოცნების არაპროფესიონალიზმმა მაღალმთიან აჭარაში მეწყერსაშიში ზონაც კი გაააქტიურა, რამაც რისკის ქვეშ დააყენა ათასობით აჭარელის სიცოცხლე.
ნორვეგიული და ინდური კომპანიების მიერ ნაწილობრივ დაფინანსებული 416 მილიონიანი შუახევიჰესის გაჩერების მიზეზებზე კი, ხელისუფლება ახლა ქმნის კომისიას – ავარიიდან ორი წლის თავზე.

გავრცელებული ინფორმაციით, უახლოეს პერიოდში საქართველოს ყოფილი პრემიერ-მინისტრი გიორგი კვირიკაშვილი შესაძლოა მოწმის სტატუსით გამოკითხვაზე დაიბარონ. წინასწარი ინფორმაციით, პროკურატურას აინტერესებს კვირიკაშვილის და ყოფილი მაღალჩინოსნების კავშირი გაფლანგული მილიონებთან. 
“კურიერი” ინფორმაციის გადასამოწმებლად გენერალურ პროკურატურას დაუკავშირდა, თუმცა უწყებაში დეტალებზე არ საუბრობენ. საგამოძიებო უწყებაში ამბობენ, მხოლოდ იმას, რომ გამოძიება საქმეზე გრძელდება. 
“რუსთავი2” დიმიტრი ქუმსიშვილთან და დავით შავლიაშვილთან დაკავშირებასაც შეეცადა, თუმცა მათ სატელეფონო ზარებს არ უპასუხეს. 
პროკურატურა ყოფილი მინისტრების წინააღმდეგ ისევ გააქტიურდა – ქუმსიშვილის და ალავიძის საქმეზე საგამოძიებო მოქმედებები განახლდა. არსებული ინფორმაციით, დაკითხვაზე დაიბარებენ ინფრასტრუქტურის ყოფილ მინისტრ, დავით შავლიაშვილსაც. 
ყოფილი ვიცე-პრემიერი დიმიტრი ქუმსიშვილი და ინფრასტრუქტურის ყოფილ მინისტრი ზურაბ ალავიძე დიდი ოდენობით თანხების გაფლანგვის საქმეზე 2018 წელს პროკურატურამ ერთხელ უკვე გამოკითხა.
ეს არის 710 მილიონიანი პროექტი და თანხა, რომელიც საქართველოს ევროპის საინვესტიციო ბანკმა სამტრედია-გრიგოლეთის 57 კილომეტრიანი გზის მშენებლობისთვის ასესხა. 
გავრცელებული ცნობით, პროკურატურის ინტერესი ყოფილი მინისტრების, ზურაბ ალავიძის, დიმიტრი ქუმსიშვილის და დავით შავლიაშვილის მისამართით მას შემდეგ გააქტიურდა, რაც საქართვლოში ევროპის საინვესტიციო ბანკის წარმომადგენლები ჩამოვიდნენ.
მათ ეჭვი აქვთ, რომ ავტობანის მშენებლობის პროექტზე, ყოფილმა მაღალჩინოსნებმა გაფლანგეს ან მიითვისეს თანხები. მათ უკვე დასკვნაც მოამზადეს, სადაც საუბარია ეჭვებზე.
გარდა ამისა, პროკურატურა იძიებს უკრაინულ კომპანია „ალტკომთან“ გაფორმებულ ხელშეკრულებას, რომელსაც საქართველოს ხელისუფლებამ 47 მილიონი გადაუხადა, თუმცა „ალტკომმა“ ვალდებულებები არ შეასრულა.  tmn.ge.

კომენტარები ფეისბუქიდან