ნატოს კიარ ვუახლოვდებით ვემშვიდობებით. რატომ დანიშნა პრეზიდენტმა სამხედრო მრჩევლად КГБ-ს ოფიცერი. საბჭოთა КГБ-ში ეგ ისეთი სტრუქტურაა მანდ ყოფილი თანამშრომელი არ არსებობს, ერთხელ რომ შეხვალ იქ რჩებიო სიცოცხლის ბოლომდე.

რუსთავი2–ის ინფორმაციით სამხედრო საკითხებში პრეზიდენტის მრჩევლად КГБ-ს ოფიცერი დიმიტრი ლეჟავა დაინიშნა.

ლეჟავამ საბჭოთა სპეცსამსახურებში 17 წელი იმუშავა. ქვეყნის მთავარსარდალი, სალომე ზურაბიშვილი არ აკეთებს განმარტებებს – რატომ გააკეთა არჩევანი, საბჭოთა უშიშროების კადრზე.

ეს კითხვა საქართველოს პრეზიდენტს „კურიერმა“ დღეს დილით დაუსვა, თუმცა პრეზიდენტი გაიქცა და კითხვა უპასუხოდ დატოვა.

ექსპერტებმა დაზუსტებით იციან, რომ ლეჟავა საბჭოთა უშიშროების სამსახურში 1983 წლიდან 1994 წლამდე მუშაობდა. ეს ინფორმაცია საარქივო მასალებითაც დასტურდება. 1994–96 წლებში მუშაობდა სახელმწიფო დაცვის სპეცსამსახურში. 1996–98 1998 წლებში მუშაობდა ეროვნული უშიშროების საბჭოს აპარატში და ამის შემდეგ საჯარო სამსახურში აღარ უმუშავია.

როგორც ექსპერტები ამბობენ, ლეჟავას შესახებ სხვა ოფიციალური ინფორმაცია არ არსებობს. ის ბოლოს 2015 წელს, „ქართული ოცნების“ ერთ-ერთ შეკრებაზე აქტივისტის სტატუსით ნახეს.

კომენტარს ჯერჯერობით არც პრეზიდენტის პრესსამსახური აკეთებს. ლეჟავას დანიშვნა ოფიციალურად არ დასტურდება, თუმცა 16 აგვისტოს ის მონაწილეობდა თავდაცვის აკადემიაში 93 ლეიტენანტის ფიცის დადების საზეიმო ცერემონიალში, სადაც  პრეზიდენტის მილოცვის ტექსტი წაიკითხა. 

КГБ-ს ყოფილი თანამშრომელი არ არსებობს – პრეზიდენტის მრჩევლად საბჭოთა უშიშროების სამსახურის ოფიცრის დანიშვნას, უკვე მოჰყვა სამხედრო ექსპერტების პროტესტი. მათ ზურაბიშვილის ამ ნაბიჯის ახსნა უჭირთ. ”სამოქალაქო მოძრაობის” თავდაცვისა და უსაფრთხოების მიმართულების ხელმძღვანელი, პაატა გიგაური ამბობს,რომ ქვეყანაში საჭირო კადრების დეფიციტი არ არის. მისი თქმით, საქართველოში ამ სფეროს ბევრი ექსპერტი არსებობს, რომელთაც განათლება და დიდი პრაქტიკული გამოცდილება დასავლეთში აქვთ მიღებული.

„ლეჟავა მსახურობდა საბჭოთა КГБ-ში ეგ ისეთი სტრუქტურაა მანდ ყოფილი თანამშრომელი არ არსებობს, ერთხელ რომ შეხვალ იქ რჩებიო სიცოცხლის ბოლომდე. 2019 წელს, როდესაც ამდენი დროა გასული და არ განვიცდით ამ სფეროს ახალგაზრდა სპეციალისტებს, რომლებსაც ძალიან სერიოზული განათლება და პრაქტიკული განათლება აქვთ მიღებული და არ არის დეფიციტი ამ სფეროს ექსპერტებში. ამ ფონზე რატომ გახდა საჭირო საბჭოთა კადრის დანიშვნა პრეზიდენტის მრჩევლად, მაშინ როცა ის სამხედრო პირი არცაა და არც ყოფილა, ის წოდება როგორ აქვს მიღებული ეგეც კიდევ ცალკე საკითხია, არის ყოველგვარ საღ აზრს მოკლებული და არანაირი კავშირი ლოგიკასთან არ აქვს,“-ამბობს ”სამოქალაქო მოძრაობის” თავდაცვისა და უსაფრთხოების მიმართულების ხელმძღვანელი, პაატა გიგაური.
nevsreport.ge.

კომენტარები ფეისბუქიდან