ბრაზილიის იუსტიციის სამინისტრომ Facebook-ი $1.64 მილიონით დააჯარიმა. Reuters-ის ცნობით, ტექნოლოგიური გიგანტის დაჯარიმების მიზეზად უწყება მომხმარებლების მონაცემების არასათანადოდ გავრცელებას ასახელებს.
სამინისტრო გავრცელებულ განცხადებაში წერს, რომ ბრაზილიაში ეს Facebook-ისთვის დაწესებული პირველი ჯარიმაა, რომელიც Cambridge Analyticaს მიერ 2018 წელს, მონაცემთა უკანონოდ გამოყენებას უკავშირდება.
Facebook-ი კომენტარს ჯერჯერობით არ აკეთებს.
Facebook-ს ჯარიმის სახით $5 მილიარდის გადახდა 2019 წლის ივლისში აშშ-ის მარეგულირებელმა კომპანიამაც დააკისრა. მიზეზი კონფიდენციალურობის დარღვევა იყო.
მათ შორისაა ყველაზე რეზონანსული სწორედ Cambridge Analytica-სთან დაკავშირებული ისტორია. ამ კომპანიამ არალეგალურად მიიღო წვდომა სოცქსელის 87 მილიონი მომხმარებლის მონაცემებზე, რომ ის პოლიტიკური რეკლამისთვის გამოეყენებინა.
Facebook-ის 15 წლიან ისტორიაში სოციალური ქსელი არაერთი გამოწვევის წინაშე დადგა.
Imedinews.ge