TVM.GE ახალი ამბების ვებ პორტალი
კორონავირუსით გამოწვეული შეზღუდვების გამო, შესაძლოა სხვადასხვა სახის ბიზნესში დასაქმებულები უკიდურეს გაჭირვებაში აღმოჩნდნენ.
მაგალითად: რესტორატორთა ასოციაციის პრეზიდენტი, კოტე გაბრიჩიძე აცხადებს, რომ რესტორნები დახურვის შემთხვევაში, დასაქმებულთა ხელფასის ანაზღაურებას ვერ შეძლებენ.
„უნდა ჩავთვალოთ, რომ ეს ბიზნესი დროებით საერთოდ აღარ გვაქვს, ისევე როგორც დროებით არ გვაქვს სასტუმროების, ავიაციის ბიზნესი.
რაც შეეხება რამდენად ადეკვატური იქნება ადგილზე გამოძახების მიმართულება, ეს ადეკვატური ვერ იქნება და იქნება იმის მეასედი, რა ბიზნესიც არსებობდა.
ყველაზე მთავარი მომენტია, თუ ფიქრობს სახელმწიფო, რომ რაიმე კომპენსაცია მისცეს ამდენ ხალხს, ასობით ათას კაცს, რომელიც ამ გადაწყვეტილების შედეგად უმუშევარი რჩება რესტორნების თუ სასტუმროების ბიზნესიდან?
ეს ხალხი აბსოლუტურად სარჩო-საბადებლის გარეშე რჩება. ევროპის ქვეყნებში ეს გადაწყვეტილება კომპენსაციის გაცემის წინასწარი გათვლებით იქნა მიღებული.
ჩვენთან ეს გათვლა მოხდა თუ არა? ამაზე მთავრობასთან მიდის ფიქრი და არ ვიცით, რა იქნება საბოლოო გადაწყვეტილება. ჩვენ ხელფასს ვაძლევდით, როდესაც რაღაც შემოსავალი შემოგვდიოდა. შემოსავალი თუ აღარ გვაქვს, რაღაც ნაწილს დანაზოგით ავუნაზღაურებთ. თუ დაკეტილი მაქვს ობიექტი, როგორღა გადავუხადო?
თუ შემოსავალი არ შემოგვივიდა, შვეიცარულ ბანკებში გადადებული არაფერი გვაქვს. კერძო ბიზნესში ასეთი რამ არ არსებობს“, – აცხადებს გაბრიჩიძე.
დღეს, მთავრობის საგანგებო ბრიფინგზე, რესტორნებისა და კაფეების მეპატრონეებს კვების ობიექტების დახურვის რეკომენდაცია მისცეს.
რეკომენდაცია სამართლიანია, რადგან საზოგადოების თავშეყრის ადგილებში ვირუსის გავრცელების რისკი ბევრად იზრდება.
თუმცა, შეზღუდვებმა უკვე მოიტანა პირველადი ნეგატიური შედეგები. მოშლილია კვების, ტურისტული და ავია-ბიზნესი.
ეს კი, სამწუხაროდ, ღრმა ეკონომიკური კრიზისის დასაწყისია.
https://presa.ge