განგაში თუ არ ავტეხეთ საქართველოს მასობრივი შიმშილი ემუქრება – გიორგი ვაშაძე

პოლიტიკური პლატფორმა „ახალი საქართველოს“ თავმჯდომარე გიორგი ვაშაძე და სხვადასხვა სფეროს ექსპერტები სტრატეგია „აღმაშენებლის“ გუნდის მიერ მომზადებული ანტიკრიზისული გეგმის მეორე ნაწილზე მსჯელობენ. ოპოზიციონერმა ლიდერმა აღნიშნა, რომ თუ პროცესები წარიმართება, ისე როგორც დღეს, ტურიზმის და მანქანების რეექსპორტის სექტორიდან საქართველოს ეკონომიკა დაახლოებით 20 პროცენტს დაკარგავს. გიორგი ვაშაძემ ასევე ისაუბრა სამ ეტაპიან გეგმაზე, სადაც დეტალურად არის გაწერილი, შეზღუდვების მოხსნის ეტაპები და პირობები, რაც აუცილებლად უნდა შესრულდეს, წინააღმდეგ შემთხვევაში, მისი თქმით, ქვეყანას გარდაუვალი და მასობრივი შიმშილი ელოდება:

„გაეროს საკვებით უსაფრთხოების სამსახურის ხელმძღვანელის განცხადებით, მსოფლიოს ემუქრება ბიბლიური მასშტაბის შიმშილი. ჩვენი პრეზენტაციაც ამას ეხებოდა, თუ როგორ გადავურჩეთ მასობრივ შიმშილს. თუ განგაში არ ავტეხეთ, ამ მიმართულებით, ჩვენ მართლა შეიძლება მოვხვდეთ იმ ქვეყნების სიაში, სადაც მასობრივი შიმშილი იქნება. როგორც ტესტირებაზე გვქონდა, რომ განგაში სანამ არ ავტეხეთ არ დაიწყეს ტესტების შეძენა და, ღიად ვთქვათ, დავაგვიანეთ კიდეც ამ მიმართულებით, არადა დღეს ყველაფერი გახსნილი გვექნებოდა.

ჩვენი გეგმა სამი თარიღისაგან შედგება:
15 მაისისათვის მოიხსნას ყველა შიდა შეზღუდვა;
1 ივნისს გავხსნათ სახმელეთო საზღვრები, მხოლოდ კოვიდ პასპორტის მქონე, ანუ წინასწარ ტესტირებული უცხოელებისათვის;
15 ივნისს უკვე გავხსნათ საჰაერო საზღვრები წინასწარ ტესტირებული უცხოელებისათვის
.

მაგალითად ვენის აეროპორტმა უკვე გამოაცხადა, რომ წინასწარ მოახდენს იმ ადამიანების ტესტირებას ვისაც უნდა გაფრენა. აეროპორტში, სადაც ჩვენ უსაფრთხოების შემოწმებას გავდივართ, იქვე იქნება ტესტზეც შემოწმება. დაახლოებით ნახევარი, ერთი საათი შეიძლება დასჭირდეს ამ პროცედურას და ამის შემდეგ ადამიანს შეეძლება გაფრენა.

გახარია და „ქართული ოცნება“ ამბობს, რომ საქართველო იქნება პირველი ქვეყანა, ვინც მოხსნის შიდა შეზღუდევბს, – ტყუილია, რადგან ევროკავშირის ქვეყნებმა ფაქტობრივად ყველამ უკვე დაიწყო მოხსნა და იტალიაც კი, რომელიც უმძიმეს კრიზისში იყო მოხსნა ეს შეზღუდვები.

ხელისუფლება ამბობს, რომ ჩვენ ვიქნებით პირველები, ვინც მივიღებთ ტურისტებს და ამას წლის ბოლომდე გავაკეთებთო, – ესეც ტყუილია, რადგან ევროკავშირში შეიკრიბა 9 ქვეყანა და მიითეს შეზღყდვების მოხსნის გადაწყვეტილება, სხვა ქვეყნებიც უერთდებიან მათ ამ ინიციატივას. ასევე განაცხადეს, რომ კოვიდ პასპორტის გაცემას დაიწყებენ და 31 მაისიდან აპირებენ საზღვრების გახსნას უცხოელებისთვის. არა მარტო ერთმანეთისთვის, არამედ სხვებისთვისაც.

ტურისტულ სექტორში მხოლოდ საქართველოში, ივლისი, აგვისტო, სექტემბერი არის დაჯავშნილი და ჯერ კიდევ არ არის ჯავშნები მოხსნილი. თუ დღეს ჩვენ არ მივიღეთ ეს გადაწყვეტილება, არავინ დაგეგმავს ივლისში საქართველოში ჩამოსვლას, ასევე თუ კომენდანტის საათი არ მოიხსნა არავის მოუნდება აქ ჩამოსვლა.

ჩვენ ვესაუბრეთ ე.წ. ჰორეკას სექტორის წარმომადგენლებს, რომლებმაც განაცხადეს, რომ სამხრეთ კორეა, ყველაზე ნაკლებად იმყოფება შეზღუდვებში და ყველაზე კარგ მდგომარეობაშია. ტურისტების ზრდას ელოდებოდნენ სამხრეთ კორეიდან. რა გვიშლის ხელს, რომ სწორედ მათთვის გავსხნათ საზღვარი და წინასწარი ტესტირებით ჩამოვიყვანოთ ეს ადამიანები საქართველოში?!

ტურიზმს ჩვენთვის შემოჰქონდა 3.2 მლრდ ლარი, ხოლო მანქანების რეექსპორტის სექტორში 680 მილიონი $ არის ბრუნვა. თუ ისევ ასე გაგრძელდა პროცესი მარტო ამ სექტორებიდან ჩვენ შეიძლება დავკარგოთ ეკონომიკის 20 პროცენტი,“ – განაცხადა გიორგი ვაშაძემ.

მთავარი