ივანიშვილი სუს–ის უფროსს გაუშვებს პოსტიდან და ცნობილია მისი შემცვლელი სავარაუდო კანდიდატიც.

„ალიას“ ბიძინა ივანიშვილის გარემოცვასთან დაახლოებული  პირი ესაუბრება, რომელმაც, უსაფრთხოების მიზნით,  საკუთარი ვინაობას საჯაროდ არ ამხელს.

„ალიას“ წყარო თქმით, ცოტა  ხანში ბიძინა ივანიშვილი სუს–ის უფროსს, გიორგი ლილუაშვილს გაუშვებს პოსტიდან: „ლილუაშვილი რაც სუს–ის უფროსად დაინიშნა, ძალიან ბევრი ინფორმაცია ჟონავს სუს–იდან, ეს ინფორმაცია მიდის ჟურნალისტებამდე და საჯაროვდება. ცხადია, ეს ინფორმაციები ხელისუფლების მაკომპრემეტირებელია. ივანიშვილის გარემოცვაში ლაპარაკობენ, თავად ივანიშვილი ფიქრობს, რომ ამერიკამ გაააქტიურა საკუთარი აგენტურა სუს–ში და ინფორმაცია მათ გაამოაქვთ,  მათ გამოვლენას და დაბლოკვას კი ლილუაშვილი ვერ ახერხებს. თუ მართალია ივანიშვილი და უწინდელზე მეტად გააქტიურდა ამერიკის აგენტურა სუს–ში, მაშინ ეს უკვე სერიოზული  პოლიტიკური სიმპტომია – ამერიკის ხელისუფლებას მართლა გადაწყვეტილი ჰქონია ივანიშვილის ხელისუფლებიდან მოშორება და მის წინააღმდეგ მედიით ხალხის კიდევ უფრო ამხედრება, ემ გეგმის ნაწილია. რაც  შეეხება ლილუაშვილის შემცვლელს, ივანიშვილის გარემოცვაში ამბობენ, რომ ეს შესაძლოა, მთავარი პროკურორი ირაკლი შოთაძე იყოს.“ – განუცხადა „ალიას“ წყარომ.