საბერძნეთი: მამაკაცმა, რომელიც სამი დოზით იყო ვაქცინირებული, თავი მოიკლა, რადგან კოვიდი დაუდასტურდა.

ტრაგიკული შემთხვევა სერესში მოხდა, სადაც მამაკაცმა, რომელსაც კოვიდ-19 დაუდასტურდა, სიცოცხლე თვითმკვლელობით დაასრულა.

ირკვევა, რომ მას ოჯახი ორი დღის მანძილზე ეძებდა და საბოლოოდ, თავისი სოფლის მიმდებარედ გარდაცვლილი იპოვეს. მას კარაბინის ტიპის იარაღიდან აქვს ნასროლი.

არსებული ცნობებით, 47 წლის მამაკაცმა, რომელიც დაქორწინებისთვის ემზადებოდა, თავი მოიკლა, რადგან კორონავირუსი დაუდგინდა, თუმცა, აღსანიშნავია, რომ არათუ 2, არამედ 3 დოზით იყო ვაქცინირებული. მიუხედავად ამისა, ჰქონდა ძლიერი შიში, რომ ვირუსი მას მძიმე მდგომარეობაში ჩააგდებდა და საავადმყოფოში მართვით სუნთქვაზე აღმოჩნდებოდა.

ტელეკომპანია ΕΡΤ იუწყება, რომ მას არ ჰქონია რამე ფსიქიკური პრობლემა.

კომენტარები ფეისბუქიდან