TVM.GE ახალი ამბების ვებ პორტალი
“თუ საქართველოში კიდევ ასე გაგრძელდა, ძალიან ბევრი წავა ამ ქვეყნიდან და მეც წავალ! მე 80 წელს გადავაბიჯე და ჩემი წასვლა შეიძლება არაფერს ნიშნავდეს, მაგრამ იმას ვამბობ, რომ ასეთ საქართველოში ცხოვრება არ მინდა!” – ამის შესახებ “კვირის პალიტრასთან” ინტერვიუში მომღერალმა ბუბა კიკაბიძემ განაცხადა, რომელმაც ქვეყანაში მიმდინარე მოვლენებზე საკუთარი მოსაზრებებიც დააფიქსირა:მას მერე, რაც ცნობილი გახდა, რომ “ქართული ოცნების” ოფისში უმრავლესობის შეკრებაზე, ბიძინა ივანიშვილმა კანაფის კულტივაციასთან დაკავშირებული კანონპროექტის პარლამენტიდან გაწვევის თაობაზე უკმაყოფილება გამოთქვა, გაჩნდა ვარაუდები, რომ ეს კანონპროექტი შესაძლოა ისევ დააბრუნონ საკანონმდებლო ორგანოში, ხელისუფლებაში ამას გამორიცხავენ, თუმცა ცნობილი მომღერალი ბუბა კიკაბიძე ამ საფრთხეს რეალურად მიიჩნევს.
მან თავისი უკიდურესი აღშფოთება ჩვენ გაგვიზიარა:
დიახ, ყველაზე ვამბობ! მათზე ვამბობ, რომლებსაც სურთ ისევ ვაშლი გაყიდონ რუსეთში… ან თავისუფლები უნდა ვიყოთ, ან მონები! სალომე ზურაბიშვილის ხელში მგონია რომ თავისუფლები ვერ ვიქნებით! რასაც მე ვუსმენ, აშკარაა რომ პრორუსული ქალია! ბიძინა ივანიშვილს თამარ მეფისთვის შეუდარებია და რაღა გვიჭირს, ცოცხალი გვყოლია ლეგენდარული მეფე, ამდენს რომ ვეძებდით მის საფლავს!
– რას იტყოდით კანაფის კულტივაციის ინიციატივაზე?
– ხომ არ გექნებათ, რომ მომაწევინოთ? – ეგ არის ჩემი უკანასკნელი ნატვრა… ეს ირონიით და ისე კი ძალიან შეძრწუნებული ვარ! ქართველებს ერთი უბედურება გვჭირს: სიგლახეს მალე ვითვისებთ! ეგღა გვაკლია ჩვენთან მარიხუანას პლანტაციები ავაბიბინოთ
– არ შეიძლება, კაცო, მაგის გაფიქრებაც კი, კანაფის მოშენება მთლად დაანგრევს ამ ქვეყანას!ეკლესია, ხალხი ამ ყველაფრის კატეგორიული წინააღმდეგი წავა და მეც მხარს დავუჭერ! ვიცი, რომ ხალხი გამოვა საპროტესტო აქციებით და მეც პირველი დავდგები იქ! სასტიკად ვეწინააღმდეგები მაგ საკითხს და ამას ყველა შესაძლო ფორმით გამოვხატავ! თუ ისე წავა საქმე, რომ აღარავისას აღარაფერს არ დაიჯერებენ, ჩვენც ვაჩვენებთ, რომ საქართველოში მარიხუანას მოშენებას არ დავუშვებთ!
– ოპოზიციის წარმომადგენლები რომ ამბობენ, ქვეყნის სასიკეთოდ კი არა ბიძინას უნდა თავის ფინანსური მოგებისთვისო, თქვენც ამ მოსაზრებას ემხრობით?
– ეგ თვითონ ბიძინას ჰკითხეთ, გენაცვალე! მე ხაზგასმით გეუბნებით, რომ კანაფი საქართველოში არ უნდა მოიყვანონ და ეგ არის რა! ძალიან დიდ გაუბედურებას გამოიწვევს ჩვენი ახალგაზრდობისას, მე ასე მგონია, კი არა დარწმუნებული ვარ!
– ბიძინა ივანიშვილს თუ იცნობთ პირადად და როდის გახდით მისი მოწინააღმდეგე?
– მას პირადად არასოდეს შევხვედრივარ, არც მიწვევა მქონია მასთან როდესმე… ჩემს კონცერტზე იყო ერთხელ მოსული და როგორც ჩემმა პროდიუსერმა მითხრა, გარკვეული ფინანსური დახმარებაც გასწია კონცერტისთვის… ივანიშვიული მომწონდა და მისი მხარდამჭერი ვიყავი, რადგან ქველმოქმედებას ეწეოდა, მაგრამ მერე გავიგე, რომ პოლიტიკაში წავიდა და ეს უკვე აღარ მესიამოვნა… მთელი საქართველო ყირამალა დადგა, ვიდრე არ მოიყვანეს და ალბათ მაგის საქმეა პოლიტიკა, რა ვიცი, აბა… იმიტომაც ვართ “კარგად”!
– ისმის კრიტიკა, რომ ზოგი ხელოვანი ბიძინა ივანიშვილისგან დახმარებას იღებს და მის პოლიტიკას არ ემხრობა…
– რა ვიცი, ეგ ჩემი საქმე არ არის და სხვაზე ნუ მალაპარაკებთ!
– თქვენზეც თქვეს…
– მიმაჩნია, რომ ყველამ თავის საქმე უნდა აკეთოს და მიიღოს ის, რაც ეკუთვნის!
– ქვეყანაში შექმნილი დღევანდელი ვითარება არ მოგწონთ, მაგრამ გამოსავალს რაში ხედავთ?
– გამოსავალს ვეღარაფერში ვხედავ!
– თქვენ რომ “ნაციონალური მოძრაობის” მხარდამჭერი ხართ, არც მათ დაბრუნებაში?
– ერთად დავსხდეთ და დაველოდოთ რა იქნება! დღეს კი ყველაფერი ბუნდოვანია…
წყყარო კვირის პალიტრა