ყველაზე დიდი შეცდომა

აიწია თუ არა ფასებმა ქვეყანაში – შესაბამის თემაზე საპარლამენტო უმრავლესოის წევრმა გუგული მაღრაძემ ტელეკომპანია “იბერიას” გადაცემაში “თავისუფალი სივრცე” ისაუბრა.

დეპუტატს წამყვანმა ვახო ხუზმიაშვილმა შეახსენა შარშანდელი განცხადება, რომლის მიხედვით, გუგული მაღრაძე თვლიდა, რომ ადამიანს 10 ლარად ოთხი ბოთლი ზეთის ყიდვა შეეძლო. გუგული მაღრაძემ დაადასტურა, რომ დღესაც შესაძლებელია ამ ფასად იგივე რაოდენობის პროდუქციის შეძენა.

“ამაზე ნუღა მალაპარაკებთ, 2 და 90 ღირს ზეთი. დიახ, ასე ყიდულობენ. ცხადია აიწია ფასებმა, მაგრამ ეს არ არის ლოკალური მოვლენა. აშშ-ში წლების წინ 500 დოლარი იყო უდიდესი შემოსავალი. 10 დოლარად მუშაობდნენ ადამიანები. ფასები ყველგან იწევს. არის პროგრამები, როდესაც შეჭირვებულ ადამიანებს გამგეობები დენის საფასურს უხდის… “, – განაცხადა გუგული მაღრაძემ.
გაზეთი საქართველო და მსოფლიო. 2018წელი.

კომენტარები ფეისბუქიდან