TVM.GE ახალი ამბების ვებ პორტალი
ასტროლოგ მიხეილ ცაგარელის თქმით, დედამიწა ახლა ნეგატიურ ენერგოველშია და სწორედ ამიტომ გახშირდა უბედური შემთხვევები. დღეს განსაკუთრებით მძიმე და ემოციური დღეა, რადგან 21 იანვარს, ერთად მოხდა სავსემთვარეობა და მთვარის დაბნელება. რა გავლენას მოახდენს ეს დედამიწაზე და ზოდიაქოს რომელ ნიშნებს სჭირდებათ განსაკუთრებული სიფრთხილის გამოჩენა, ამის თაობაზე მიხეილ ცაგარელი „რეიტინგს“ ესაუბრა.
– დღეს 9 საათსა და 14 წუთზე იყო პიკი, როდესაც მოხდა სავსემთავრეობა და მთვარის დაბნელება ერთად. ეს არის სამმაგი მთვარის დაბნელება, რომელიც ზეგავლენას ახდენს ყველაზე.
მთვარის დაბნელების დროს, დედამიწა ხვდება მზეს და მთვარეს შორის, მათი ანტაგონიზმი კი დიდ ზეგავლენას ახდენს ადამიანზე. იწვევს დაძაბულობას, ტრავმებს, კონფლიქტებს, ეკონომიურ ავარიებს და ა.შ. შეიძლება ადამიანი არაადეკვატური იყოს ამ დროს და ვერ ახსნას, რა არის ამის გამომწვევი მიზეზი.
მდგომარეობას სხვა გარემოებებიც ართულებს, 6 იანვრიდან დედამიწა უარყოფით ენერგოველშია, ამიტომ მისი გეომანტია დაძაბულია. ამავე დროს ომის მმართველი პლანეტა მარსი, ყველაზე აგრესიულ ნიშანში ვერძში შევიდა, რაც ზრდის აგრესიას გარშემო. ავარიები, აფეთქებები, ტრაგედიები… ამასთან არის დაკავშირებული.
მოვუწოდებ პოლიტიკოსებს ეს დღეები თავი შეიკავონ სერიოზული განცხადებებისგან და მნიშვნელოვანი წამოწყებებისგან. არაფერი გამოუვათ და იმედგაცრუება იქნება.
დღეს მთვარის დაბნელებაზე გაემგზავრა ჩვენი პრეზიდენტი უცხოეთში, თავიდან იქნება დიდი დაპირებები და აღფრთოვანება, მაგრამ მერწმუნეთ, ეს არ იმუშავებს, ან ჩვენს საწინააღმდეგოდ იმუშავებს.