TVM.GE ახალი ამბების ვებ პორტალი
“არ ვაკეთებ კომენტარს, რას აკეთებთ, ტო?” – ამ სიტყვებით მიმართა შს მინისტრმა, ვახტანგ გომელაურმა ჟურნალისტებს, რომლებმაც მას 20 ივნისის საქმეზე ბრალდებული სპეცრაზმელის გათავისუფლების შესახებ ჰკითხეს.
20 ივნისის საქმეზე ბრალდებული სპეცრაზმელი, ლევან იმერლიშვილი 27 სექტემბერს 10 000-ლარიანი გირაოს სანაცვლოდ, დარბაზიდან გათავისუფლდა.
აღკვეთის ღონისძიების შეცვლის შუამდგომლობა სხდომაზე დაცვის მხარემ დააყენა, ამის მიზეზად სპეცრაზმელის ჯანმრთელობის მდგომარეობა დასახელდა, რაც ბრალდების მხარემ არ გაიზიარა.
20-21 ივნისის საქმეზე ბრალდებული სპეცრაზმელი 15 ივლისს დააკავეს.
გამოძიების ინფორმაციით, 2019 წლის 21 ივნისს, რუსთაველის გამზირზე იმერლიშვილმა თავის სამსახურებრივ უფლებამოსილებას გადაამეტა და ფიზიკურად იძალადა ადმინისტრაციული სამართალდარღვევის ჩადენისთვის დაკავებულ პირზე.